PM Modi-an Delhi-ah bank account a nei lo

Prime Minister Office (PMO) chuan Thawhṭanni khan PM Narendra Modi-a thil neih zat a puang a, Modi hian car a nei lo a, Delhi-ah bank account a nei lo bawk.

Kum 2014, May 26-a Prime Minister atana lakluh a nih hnuah Modi hian vawi khat mah chawlh a la la lo bawk.

PMO-in PM thil neih, khawih chet theih leh theih lohte a tarlan danin kum 2015, March 31-a Rs 1,26,12,288 hu chu kumin January 30-ah 1,41,14,893-ah a pung a ni.

Modi hian loan a la lo a, L&T Infra Bonds (Tax Saving)-ah Rs 20,000 a invest a, National Savings Certificate-ah cheng nuai 5.45 leh life insurance policy-ah cheng nuai 1.99 a dah. A thil neih laksawn theih chi hlut zawng chu cheng nuai 41.15 a tling a, khawih chet theih loh zingah Gandhinghar-a chenna in pakhata a chanpual, hmun li-a ṭhena hmun khata zau a tel.

Modi hian PM a nih hnuah pawh Delhi-ah bank account hran a hawng lo a, Gujarat-a a bank account chu a la hmang chhunzawm zel a ni. SBI-ah Rs 94,093 leh Rajkot Nagrik Sahkari Coop Bank Ltd-ah Rs 30,347 a nei a, SBI-ah hian fixed deposit-in Rs 30,72,017 a nei bawk.