Pathankot-ah ISI spy man

Punjab Police-te chuan intelligence lam aṭanga an thu dawn bawhzuiin, Pathankot-ah Pakistan spy agency, Inter Services Intelligence tana thawk nia sawi mi pakhat an man.

Police-te chuan an mi man hi Irshad Ahmed, India khua leh tui a nih thu an sawi. Pathankot-a Mamoon Cantt-a Indian Army 29 Division Headquarters-ah a inhlawhfa ṭhin. He hmun hi Janua≠ry thlaa firfiakten an beih kha a ni.

Intelligence agency-te chuan Irshad-a smart phone aṭang hian Pathankok-a Army headquarters-a hmun pawimawh eng emaw zat thla pawh an hmu tel niin an sawi.

Pathankot Cantonment hi Indian army base lian leh pawimawh ber zinga mi a ni a, he hmunah hian infrantry battalon leh cavalry-te an awm.

Security agency-te chuan Irshad-an rampawn lam aṭanga a thu dawn dante an chhui mek. Irshad hi sipai hmunpui chhung lama awm dan leh hmanrua awmte thlalak la khawm tura tirh a ni a, hengte hi Jammu-a Sajjad-a hnenah a thawn ṭhin nia sawi a ni. Sajjad hi phalna nei loa ralthuam a kawl avangin tun hnaiah man a ni tawh bawk.