UP-ah home guard-te nawrh huaihawt

Uttar Pradesh-a home guard 12,000 chuangte chuan an hlawh tihsan phutin nawrh an huaihawt.

State chhung district 10-a home guard-te chuan Uttar Pradesh Honorary Home Guards Association hming nawrh hi an huaihawt a, Chief Minister Akhilesh Yadav hnenah memorandum an thehlut a ni.

Association hruaitu Sujit Kumar Giri chuan UP chu India ramchhunga home guard-te hlawh pek tlemna ber state a ni tih sawiin, ni khatah Rs 225 an hlawh tih a sawi. Telangana leh Punjab-ah chuan home guard hian ni khatah Rs 500an hlawh a ni.

Uttar Pradesh-ah hian home guard department hnuaiah thawktu 1,17,443 an awm a, state zingah home guard department lian ber an ni.