JNU zirlaite chaw ngheia nawrh titawp

New Delhi-a Jawaharlal Nehru University (JNU) zirlai pakuaten zirlai intihlum, Rohith Vemula tana rorelna dik phuta chaw nghei nawrh an huaihawt chu nimin khan an titawp.

Hetihlai hian tunhnaia RSS office bula zirlai nawrh huaihawtte chunga police-te chetdan rawng tak duh lohna lantirin university hrang hranga zirlaite chuan police headquarters pawn lamah lungawi lohna an lantir.

Chaw ngheia nawrh huaihawt zinga mi, JNU Students' Union president hlu, Lenin chuan Hyderabad University-a zirlai nawrh huaihawt≠te an thlawpna lantir≠in chaw hi an nghei tih a sawi. Hyderabad University-ah hian class kal chhunzawm a nih tak vangin anni pawhin nawrh huaihawt chu an titawp a, mahse Rohith-a tana rorelna dik phutin an beih chhunzawm zel tur thu a sawi.

Delhi-a zirlai pawl dang, Krantikari Yuva Sangathan (KYS) leh Left-backed All India Students Association (AISA) te chuan zirlai nawrh huaihawtte kut thlaktu police-te chunga action lak phutin police headquarters kawtah an pungkhawm bawk. Zirlaite chuan, " Police commissioner chuan ram mipuite hnenah police-te chetdan leh, tu thupeka che nge an ni tih a hrilhfiah ngei tur a ni. Zirlaite chunga action lak an awlsam laiin, zirlaite chunga rawng taka che police-te lakah erawh action an la leh thei silo" tiin an sawi.