Feb 23-ah Parliament Budget Session ṭan dawn

5th February, 2016

Cabinet Committee on Parliamentary Affairs (CCPA), Union Home Minister Rajnath Singh-a kaihhruai chu Nilaini khan inhmukhawmin Parliament Budget session neih hun tur an ngaihtuah. Budget Session hi February 23 aṭangin neih ṭan a ni ang.

Union Minister Venkaiah Naidu chuan, budget session hi thawh hnihah neih a ni dawn tih sawi a, "Budget session thawh khatna chu February 23 - March 16 chhungin neih a ni ang a, a thawh hnihna chu April 25 - May 13 ah neih a ni ang" a ti.

February 25-ah Rail Budget leh Februry 26-ah Economic survey pharh a ni ang. Kum 2016-2017 atana union budget chu February 29 hian Finance Minister Arun Jaitley-an a pharh ang.

Minister of state for Parliamentary affairs Mukhtar Abbas Naqvi chuan sorkar chuan parliament budget session hi boruak ṭha tak hnuaiah neih theih a beisei thu a sawi. Parliament session neih hnuhnung pahnihte chu eptuten harsatna an siam avangin rorel mumal thei loin an ṭiak a ni