Gandhi pian chamah Khadi Rs vbc 1.5 man hralh

Khadi and Village Industries Commission (KVIC) chuan October 2, 2023-a Mahatma Gandhi pian cham puala Delhi Connaught Place, Khadi Bhawan-a Khadi an hralh chhuah zat chu Rs. vbc 1.5 a tlin thu sawiin, hetianga tam hi an hralh ṭum khatna a nih thu an sawi.

Khadi Bhawan aṭanga ṭum khata Khadi an hralh ṭhat ber ṭum an tawn thu KVIC-in an puanzar hnuah, nimin khan prime minister Narendra Modi chuan Khadi chu mipuite inlungrualna leh chakna entirtu a ni der tawh tiin a lawmpui thu a sawi. PM chuan,"Mipuiin Khadi nena inzawmna neia an inhriatna, kut themthiam hmanga la zai zawm khawm, helai hmun ngei aṭanga siam chhuah a nih avanga Gandhi-a'n a ngaihsanna hian record a la siam belh zel anga, chu chuan Aatmanirbhar Bharat hlawhtlinna a tilang zel bawk ang," a ti.

Modi hian X-a a thu post-ah a sorkarna hnuaia aieng enkawltu tur board din tur chungchang a sawi lang bawk. National Turmeric Board chu industry-a innghat, lo neitu vaibelchhe tel tan hlawkna a ni anga , market ṭha zawk a buatsaihsak dawn bawk a ni.