Punjab sorkar sikulah security guard 1,300 chuang dah dawn

Punjab education minister, Harjot Singh Bains chuan Punjab-a sorkar hnuaia senior secondary school zawng zawng tan security guard 1,378 dah a ni dawn tih a sawi.

Sikul pakhat function hmannaa thu a sawiah, Harjot Singh Bains chuan security guard-te chuan naupang himna tur atana an thawh bakah naupangin school hung chhung an chhuah san tur an veng ang, a ti. Senior secondary school zinga zirlai 500 aia tam nei zawng zawngte tan ruahmanna siam a nih tur thu a sawi bawk. Bains chuan,"Security guard-te hi sikul luhna leh chhuahna gate-ahte an duty ang a, principal phalna tel lo chuan tu mahin sikul an chhuah san thei lo ang. Sikula lo kal hrim hrimte lo chhinchhiah a, sikul tlawhtu dinhmun hretu tur pawh an ni bawk ang," tiin, state sorkar chuan an state-a zirna siam ṭha tura sorkar sikulte thuam chak an tum thu leh, tunlai mil zela sikul hmunhmate siam an tum thu a sawi a ni.

Education Minister hian sorkar sikul zawng zawngte hungna tur siamna atana Rs. vbc 250 dah a nih tawh thu te, faina lama hmasawnna atana pawisa dah a nih thu te, school building enkawl tura campus manager 2,000 ruat an nih thu leh, sikul tinte chu naupang an ngah dan a zira a sum faia ṭanpui an nih ṭhin tur thu te a sawi bawk a ni.