National Medical Commission-in booklet siam

National Medical Commission (NMC) chuan medical lama thawktute inkaihhruaina tur booklet, Professional Conduct Review - Lessons from case Archives' an tichhuak a, he booklet-ah hian doctor-te'n signboard lian tak tak siam a, an hming, zir chhuah, nihna, speciality leh registration number bak thil dang ziah lan loh tur a nih thute an tarlang,

NMC hian damdawi chawhna lehkhaah pawh signboard-a an ziah chin bak an tarlang tel tur a ni lo tiin, damdawi zuarte pawhin an awmna leh thawhna hmun ni loa signboard tarte chu an ti tur a ni lo tih a sawi. NMC Ethics and Medical Registration Board (EMRB) chuan an booklet siamah hian doctor leh damlote inkarah inhmuh thiam lohna awm avanga doctor-te laka thubuai theh luh a nih ṭhin thu tarlangin, heng inhmuh thiam lohna hi mipuite hmuh theiha an thil pho chhuah aṭanga hriatthiam lohna awm ṭhin vang a nih thu an sawi.

Booklet editor, Dr. Yogender Malik chuan damlote'n an hriatthiam loh thil avanga thil kal sualah doctor-te laka lungawi lohna hriat tur awm ṭhin chu thil ṭha lo tak leh inven an ngaih thu a sawi. Booklet an siam pawh hnathawhna lama tihsual awm palh thei, damlote nena inkar boruak ṭha lo awm thei venna tura inzirna a nih thu sawi bawk.