Facebook-a thu post vangin Bengaluru-ah buaina chhuak

Facebook-a Congress MLA tupa thu post vangin Thawhlehni zan khan Bengaluru-a MLA bangalow, K G Halli leh DJ Halli police station chu mipui pungkhawmten an bei. Buaina chhuakah hian mi pathum an thi a, mi eng emaw zatin hliam an tuar bawk.

MLA tupa hian Facebook-ah hian prophet Mohammed sawichhiatna lam hawiin thu a post nia sawi a ni. Hei hian Muslim-te chuan huain, buaina a chhuak ta a ni. Buaina chhuakah hliam tuar zingah hian police 60 chuang an tel a ni.

Bengaluru City Police chuan buaina hi thunun a ni tawh tih an sawi. Police Commissioner Kamal Pant chuan mipui pungkhawmte hian motor-te an hal bakah police station pawh an bei tel tih a sawi. Hei vang hian police-ten tih theih dang nei loin silai an hmehpuah a ngai a, mi pathumin an thihphah ta niin a sawi. Police-te bei a, sorkar hmunte suasamtu mi 110 man an ni tih a sawi bawk.