RBI-in Bank of Baroda mobile application titawp turin hriattir

Reserve Bank of India (RBI) chuan Bank of Baroda hnenah an mobile application siam 'bob world' chu an customer-te hrilh tawh lo tura hriattirin, bob world application-ah hian RBI-in ngaihtuahawm thil a tih, tarlan rem lo, inbumna lam hawi thei thil a awm niin an sawi.

RBI thuchhuahin a tarlan danin,"Reserve Bank of India-in Banking Regulation Act, 1949, section 35A hnuaia thuneihna a neih angin, Bank of Baroda-in mobile application an siam, bob world-a customer lak luh belh chu tihtawp nghal rih tur a ni tih kan puang e," tiin, bob world hmang tura customer-te an lak luhna kawngah thil felhlel awm theia an hriat thu an sawi bawk.

"Bob world-ah hian customer lak luh belh an awm a nih chuan RBI chuan bank of baroda tihsualah leh RBI rinhlelhna tifiahtuah ngaiin, a ṭul angin hma a la ang," tiin an tarlang bawk. RBI chuan bob world hmang mektu customer-te chuan harsatna an tawh loh nan leh an thuchhuah avanga buaina an neih phah loh nana kalpui turin Bank of Baroda chu an hriattir bawk a ni.