Tiam chin awm loin rel service titawp

Hri lengin zual lam a pan zel avangin Indian Railways chuan nimin khan thuchhuah siamin, tiam chin awm loin khualzin phur rel te chu chawlh tir chhunzawm an ni dawn tih a sawi a, mahse special train 230 erawh tlan chhunzawm tir an ni ang. 

Khualzin phur rel chawlh tir chhunzawm an nih leh dawn vang hian Indian Railways chuan kumin chhungin cheng vaibelchhe 40,000 vel a hloh dawn nia chhut a ni. Khualzinte mamawh dan azirin special train chu a ṭul chuan tlan belh tir a nih tur thu an thuchhuah chuan a tarlang bawk. 

Railways chuan a hmain rel service hi August 12  thleng atana lo titawp tawh a, mahse ram chhunga hri lengin zual lam a la pan chhoh zel vangin tiam chin awm loin a tihtawp chhunzawm leh ta a ni.