India chuan Israel hi a thlawp tlat dawn : PM Modi

Prime minister Narendra Modi chuan Israel leh Palestine indo mekna karah Israel prime minister Benjamin Netanyahu nen phone-a an inbiak thu sawiin, an inbiak zawh hnuah India chuan eng ang hawi zawng pawha tharum thawhna reng reng a do tlat dawn thu a sawi.

Modi hian Israel PM nena an inbiak thu hi X-ah post-in, indona dinhmun a hrilh avanga Israel PM chunga a lawm thu a sawi a,"India mipuite chuan he buaina karah hian Israel hi kan thlawp tlat a ni. India chuan tharum thawh leh indo hi eng hmang leh eng vang pawhin ni se a do tlat bawk," tiin a tarlang. PM Modi post hi Israel foreign minister pawhin post chhawngin lawmthu a hrilh ve nghal bawk.

Israel leh Palestine indona hi October 7-a Hamas-te'n rocket hmanga Israel an beih thut avanga inṭan a ni. Indona thlen hlim hian Modi chuan firfiakte chetna avanga Israel-in beih a tawk chu pawi a tih thu leh, indona avanga nunna chan an awm chu lungchhiatthlak a tih thu a lo sawi tawh bawk.