Cabinet-in Mera Yuva Bharat autonomous body dinna tur pawm

Union Minister Anurag Thakur chuan National Media Centre-ah thu thar lakhawmtute kawmin, union cabinet ṭhu khawmin India intodelhna tur kawnga a tha tichaktu atan, ṭhalaite rilrua mawhphurna tuka, chu rilru pu tura puitu tur autonomous body, Mera Yuva Bharat (My Bharat) dinna tur an pawm thu a sawi.

Mera Yuva Bharat hnuaiah hian India ṭhalaite chuan an tum an hriat chian theihna atana puitu tur leh kawng hrang hrang India tha tichak tura ngaihtuahna an sen thiam theihna atan, mi zawng zawng ban phak khawl leh hmanrua chhawp chhuah tum a ni. He body tum ber chu ṭhalaite hmasawnna atan sorkar hmalakna zawng zawnga an tan hmun siamsak a nih thu Minister chuan a sawi bawk. Digital platform hmangin zawm khawm an ni anga, mahni duhthlanna hmanga an telna tur leh training chi hrang hrang buatsaih a ni dawn ni. He autonomous body hi October 31-a Sardar Vallabhbhai Patel-a pian chamah tlangzarh a nih tur thu Thakur chuan a sawi bawk.