Kerala : Vizhingam port-ah lawng hmasa ber thleng

Kerala-a lawng chawlhna hawn thar, Vizhingam port-ah Ningani khan China aṭanga lo chhuak, Zhen Hua 15 bungraw phur lawng lo thlengin, hei hi he port hawn a nih hnua lawng lo thleng hmasa ber a ni.

Kum 2019-a zawh leh hman ṭan tawh tura ruahman, Kerala-a Vizhingam port hi ram chungchanga harsatna a awm avangin thla hmasa khan hman theih tura peih a ni chauh a, Kerala sorkar chuan breakwater 75% chu sak zawh tawh a nih thu an sawi. Vizhingam port hi public private partnership hnuaia sak a ni a, private group atan hian Adani group hman niin, a pumpuia hman theiha peih a nih hunah chuan khawvela lawng chawlh hmun lian ber pawl a ni dawn a ni. Sak tura ruahmanna siam a nih lai hian he lai hmuna sangha mante chuan nasa takin an lo dodal tawh a, lawng chawlh hmun chuan an eizawnna a tibuai thei dawn niin an sawi