EAM Jaishankar security tihsan sak

Union Home Ministry chuan external affairs minister S. Jaishankar security chu 'Y' category aṭangin 'Z' category-ah a tihsan sak. Jaishankar hi Delhi police-te'n security an pe mek a, hei hi Home Ministry chuan Central Reserve Police Force (CRPF) kutah a dah ta a ni.

CRPF hnuaia 'Z' category security pek a nih tak avangin EAM hi commando 14-15 in an veng tawh dawn a, heng commando-te hian ram chhunga a kalna leh awmna chin apiangah an vengin an vil reng tawh dawn a ni. CRPF-te venna hnuaia VIP security pek hi mi 176 an awm mek a, heng zingah hian union home minister Amit Shah bakah, Congress hruaitu Rahul Gandhi, Sonia Gandhi leh Priyanka Gandhi Vadra te pawh an tel.