AAP hruaitu hluiin party thar din dawn

Aam Aadmi Party (AAP) aṭanga hnawh≠chhuah, Yogendra Yadav chuan political party thar din a tum thu nimin khan a sawi.

NGO 'Swaraj Abhiyan' pawl dintu, Yadav chuan political party din mah se, chhunfin a tum loh thu a sawi bawk.

Eiruk do beihpui thlakna, 'India Against Corruption' an kalpui ṭhin titawp a ni ta chu an tihsual lian tak a nih thu sawiin, member-te kaihruaitu mumal an awm tak loh vangin a tawp ta a ni, a ti.

AAP hruaitu hlui chuan, "Politics kalphung thar siam a, political party thar din hi kan duh a ni. Kan party din turah chuan party inrelbawl dan zawng zawng pawh democracy kalphung dik tak anga enkawl a ni ang a, langtlanga kalpui niin, ram tana chakna thar leh innghahna tlak din kan tum a ni. Hemi atan hian hma pawh kan la chho mek a ni" tiin a sawi.

Party thar din a, inthlanna chuh nghal mai chu an tum ber a nih loh thu Yadav chuan a sawi a, "Party thutlukna zawng zawng chu member tinten an duhthlanna hmangin an siam vek dawn a ni" a ti.