MCD thawktu ṭhenkhatten nawrh titawp

Municipal Corporations of Delhi (MCD) hnuaia thawk pawl hrang hrangten an hlawh pek phuta ni hun rei tak nawrh an huaihawt hnuah, sanitation workers union tih loh pawl dangte chuan Inrinni khan nawrh an titawp.

United Front of MCD Employees general secretary Rajendra Mewati chuan, "Corporation-in sum lama harsatna tawkin kan hlawh leh hamṭhatna dawn tur dangte min pe thei lo a, hei vang hian nawrh hi huaihawt kan ni. Kan buaina hi min chinfel sak turin court kan ngen dawn a ni" a ti.

Hetihlai hian sanitation workers union chuan nawrh tihtawp ringawt hian an buaina a chinfel dawn lo a, corporations chuan hamṭhatna dang an dawn turah sum pek tur a neih loh avangin nawrh a la ngai leh dawn tho nia sawiin,an harsatna chinfel dan kawng zawng tura phutin an nawrh chu chhunzawm zel an tum tih an sawi.

MCD worker-te hian January 27 aṭang khan nawrh hi an huaihawt a, mahse pawl tam zawk chuan an hlawh te pek an nih tak avangin nawrh zui zel an tum tawh lo tih an sawi an ni.

Delhi sorkar chuan MCD worker-te hlawh pek an nih theihna atan civil body pahnih hnenah loan, cheng vaibelchhe 551 a pe a ni.