Abu Dhabi Prince a rawn zin dawn

Abu Dhabi Crown Prince Sheik Mohamed bin Zayed Al Nahyan chu tunkar hian a rawn zin dawn a, ram hruaitute chu inlaichinna ṭha zawk siam dan tur a sawipui ang.

Kum 54 mi, Sheikh Mohamed hi UAE Armed Forces-a Deputy Supreme Commander ni lai a ni a, ni thum chamin a rawn zin dawn a, minister, sumdawng leh economist rualten an rawn zui ang.

UAE official news agency Wam chuan, "Sheikh Mohamed hian India rama a cham chhungin Indian official-te chu ram pahnihte thawhdunna neih mek chu ngheh leh ṭha zawka siam a nih theih dante a sawipui dawn a ni" a ti.

Nikum August thla khan Prime Minister Narendra Modi chuan UAE hi a lo tlawh tawh a, UAE hian India rama investment a tih mek chu cheng vaibelchhe nuai 5-a tihlen a tum thu a puang a ni. UAE hi Arab ram zinga India rama investment ti lian ber a ni.

Ram pahnihte insumdawn tawnna hi cheng vaibelchhe nuai 4 hu vel a ni a, kum 2014-15 chhungin UAE hi India-in China leh US tih lohah, sumdawnna lama a thawhpui ram lian ber a ni.