Thubuai tihkhawtlai vbch hnih chuang a awm

Ramchhung court hrang hrangah thubuai chinfel loha tihkhawtlai vaibelchhe hnih chuang a awm mek. Law Ministry data tih­chhuahah hemi chungchang hi tarlan a ni a, thubuai tihkhawtlai mek zinga 41% chu kum hnih aia rei lo an nih laiin, kum sawm chuanga rei tawh tak tak an awm bawk. National Judicial Data Grid website-a tarlanah ramchhung state hrang hranga district court-ah thubuai tihkhawtlai hi 2,00,60,998 a awm mek a ni. Thubuai tikhawtlai zinga 36,30,282, 18.1% chu kum 10 aia rei an ni a, kum 2-5 inkar tihkhawtlai thubuai 59,83,862 a awm bawk a, hei hi 29.83% a tling.