BJP-in J&K buaina chinfel thuai duh

January 7-a Jammu and Kashmir Chief Minister Mufti Moha-mmad Sayeed a thih hnuah J&K sorkar thar a la ding thei lo a, President rule hnuaiah a la awm chhunzawm zel.

CM thi ta Sayeed-a kaihhruai hian a party, People's Demoractic Party (PDP) leh BJP chuan J&K-ah hian ṭang-rual sorkar an siam a, mahse a thih hnuah a aiawhtu tura beisei, a fanu PDP chief Mehbooba Mufti-i chuan sorkar an siam chhunzawm dawn leh dawn loh chungchangah thutlukna a la siam thei lo.

BJP President Amit Shah chuan sorkar siam chungchang buaina chinfel thuai a duh tih sawiin, party general secretary Ram Madhav chu PDP hotu kawm tur hian Srinagar-ah tirh a tum. Madhav hian Mufti bakah PDP hruaitute a kawm kual dawn niin a sawi. Hetihlai hian PDP chuan BJP hruaituten inbiakna neihpui an tum tih engmah hriattir an ni lo tih an sawi thung.

Mufti-i hian BJP nena ṭangrual sorkar an siam chhunzawm dawn chuan an thawhdunna chungchangah BJP lam aṭangin intiamkamna a phut a, ṭangrual sorkar siam tura an thil phutte pawh an hriattir tawh niin PDP chuan a sawi.