AAP donation dawn 275% in a pung

Delhi-a rorellai, Aam Aadmi Party (AAP) in kum 2014-2015 chhunga donation a dawn chu 275% in a pung niin democracy watchdog "Association for Democratic Reforms' (ADR) chuan a tarlang.

ADR-in report a tihchhuahah, AAP chu kum khat chhunga state-recognized party zinga donation dawng, 275% a pung awmchhun a nih thu an tarlang.

AP hian kum 2013-14 chhung khan thawhhlawm hi cheng vaibelchhe 9.42 a dawng a, kum 2014-15 ah cheng vaibelchhe 35.28 a dawng a ni.

Kum hnih kalta chhung khan AAP hnenah thawhlawm thawhtu liante chu Maharashtra leh Delhi mite an ni a, Maharashtra aṭanga thawhhlawm petu hi AAP in sum a dawn zawng zawng
aṭanga 23.28% a tling pha. AAP donation dawng zinga 24.65% chu India ram pawn aṭanga a dawn a ni bawk.

National party zingah chuan BJP chuan nikum chhungin donation
aṭangin cheng vaibelchhe 437.21 a dawng a, political party zingah dawng tam ber a ni. Kum 2014 khan donation hi cheng vaibelchhe 437.35 a dawng a, a punna hi 156% a ni.

Congress party chuan kum 2014-2015 chhung atan donation cheng vaibelchhe 141.46 a dawng a, kum hmasa aiin cheng vaibelchhe 81.88 in a dawng tam.

Sharad Pawar-a kaihhruai National Congress Party chuan kum hnih chhungin thawhhlawm hi cheng vaibel-chhe 52.84 a dawng bawk.

CPI chuan kum 2013-14 ah donation cheng vaibelchhe 1.22 a dawng a, 2014-2015 ah cheng vaibelchhe 1.33 a dawng. CPI-M pawhin kum hnih chhung hian cheng vaibelchhe 2.09 leh 3.42 a dawng.

National party panga-ten kum 2013-15 chhunga donation an dawn chu cheng vaibelchhe 622.38 a tling.