Aviation Ministry-in Aircraft Rules, 1937 siam ṭha

Civil Aviation Ministry chuan Aircraft Rules, 1937 hman mek chu siam ṭhain, Airline Transport Pilot License (ATPL) kaihhnawiha license dam hun chhung leh Commercial Pilot License (CPL) holder-te license dam hun chhung chu kum nga aṭanga kum 10-ah pawhsei a ni. Sorkarin dan a siam ṭhat chhan hi aviation sector-a hnathawh a awlsam zawk nan tih a ni.

Aviation Ministry chuan,"Dan siam ṭhat hian aviation thuneitu, DGCA leh pilot-te chenin, inkaihhruaina thu hlaah an tan thil tih a awlsam phah zawk beisei a ni. License siam leh neih kawnga hlawk zawk, awmze nei zawk kan neih phah ngei kan beisei," tiin a tarlang. Heng bakah hian inkaihhruaina dang pawh tihdanglam a awm nual a, aerodome huam chhunga eng chhit theih hian lantern eng, laser leh a dangte pawh a huam theih avangin aerodome huam chhung chin hi km 5 aṭangin mel 5-ah tih zau a ni bawk."Sorkar hian mimalin thlawhtheihna tana hnawk leh harsatna thlen thei eng a lo chhit chuan hrem theihna dan a nei tih hi chiang takin tarlan a ni. Chung eng, darkar 24 chhung ngaihven lohte chu an awmna hmun zawn chhuaha tihtawp chu sorkarin a tithei a ni," tiin Ministry thuchhuahah chuan an tarlang bawk. Dan siam ṭhat dang la awm zingah foreign license te tana fiahna phut kher ṭhin chu tihtawp a ni bawk.