Amit Shah-a'n Kolkata-ah Durga Puja pandal hawng

Union home minister Amit Shah chuan nimin khan West Bengal khawpui, Kolkata-a Santosh Mitra Square-a Durga Puja puala buatsaih, Ram temple entawna sak pandal a hawng. Ha pandal danglam tak, Ayodhya-a Ram temple anga sak hi Santosh Mitra Sqaure Puja committee buatsaih a ni.

West Bengal BJP-te hian 2020 aṭang khan anmahni buatsaih Durga Puja an hmang ṭhin a, West Bengal-a party anga hetiang ti hmasa ber leh awmchhun an la ni. Durga Puja hi 2021 leh 2022-ah te khan hman a lo ni tawh bawk. BJP hruaitu, Sajal Ghosh chuan pandal hawnna inkhawm Amit Shah-a'n a hmanpui tur thu hi a lo sawi tawh a, kumina West Bengal state BJP-in Durga Puja an hman turah hian an thupui atan Ram temple an thlan thu a sawi bawk. He Durga Puja hi Sajay Ghosh's Puja tiha hriat bawk a ni. Amit Shah hian 2021 khan he Durga Puja lawmna hi a lo hmanpui tawh bawk a ni.