PFI-in hmun 5000-ah nawrh huaihawt tum : Intelligence report

Ministry of Home Affairs hnena intelligence report thehluhah, Popular Front of India (PFI) chuan an political wing, SDPI kaltlangin ram chhunga hmun 5,000 velah Citizenship Amendment Act (CAA) leh National Register of Citizens (NRC) duh lohna lantirin nawrh huaihawtna lian tham tak buatsaih a tum nia tarlan a ni. 

He report-ah hian CAA, NRC leh National Population Register (NPR) dodalna lantira nawrh huaihawt bakah, PFI chuan door-to-door campaign neih a tum bawk nia sawi a ni. An campaign neih tur hi 'will not show paper' (Kagaj nahi dikhayenge) campaign tia vuahin, mipuite chu sorkarin NPR a kalpui hunah eng document  mah lo entir lo turin an ti a ni. 

Nikum December thlaa Parliament-a CAB pass a nih hnuah, ramchhung hmun hrang hrangah CAA duh lohna hi lantir niin hmun tam takah nawrh huaihawt chhunzawm reng a la ni.