JNU-a zirlai pawl buaina chhuitu tur din

Jawaharlal Nehru University (JNU) chuan university campus chhunga Democratic Stu-dents' Union (DSU) te hun buatsaih avanga buaina chhuak chungchang chhui chiangtu tur, proctorial committee a din.

DSU member ṭhenkhat chuan Thawhlehni zan khan campus chhungah hian kum 2001-a Parlia-ment beitu, Afzal Guru khaihlum a nih chungchanga sorkar thutlukna siam danah lungawi lohna an lantir a, BJP hnuaia zirlai pawl Akhil Bhartiya Vidyarthi Parishad (ABVP) chuan an thiltih hi dodalin zirlaite hi an intibuai zui ta a ni.

ABVP chuan Nilaini khan univeristy vice chan-cellor office-ah lungawi lohna lantirin, sorkar dodaltu thlawp zawnga inkhawm huaihawt chu an dem thu an sawi. Jawaharlal Nehru Univer-sity Students Union joint secretary Saurabh Shar-mahe inkhawm huaihawttu zirlai 10-te chungchang chhui chian an phut thu a sawi. Hemi hnu hian uni-versity chuan thil awm-dan chhui chiang turin member pali awmna Rashtra-pat committee hi a din a, hruaitu atan Professor Kishan Kumar chu ruat a ni.

Saurabh Sharma chuan pawikhawihtu thlawp zawnga thiltih chu university thuneitute chuan an remti tur a ni lo tiin, thuneituten hma an la thuai lo a nih chuan campus pumah nawrh huaihawt an tum tih a sawi.