MP hlawh tihsan chungchang ngaihtuah dawn
Central-a BJP kaihhruai NDA sorkar chuan pay commission zulzuia MP-te hlawh tihsan dan chung≠chang ngaihtuah turin all party meeting a ko dawn.
MP-te hian an hlawh tihsan chungchang hi anmahni vekin an rel ṭhin avangin hlawh tihsan a nihin sawisel an tawk nasa thei hle. Hei vang hian sorkar laipui chuan hlawh tihsan danah kalphung nghet a awm theihm nan party hrang hrangte sawipui a tum.
Inter-party parliamentary panel chuan tun hnaiah MP-te thla bi hlawh hi 100% a tihsan a rawt a, hei bakah hian hamṭhatna dang an dawnte pawh tihsan a rawt tel bawk. Panel hi BJP MP Yogi Adityanath-an a ho a, Nilaini khan parliamentary affairs ministry pawh an hmu tawh a ni.
Rajya Sabha leh Lok Sabha MP-te hian basic pay hi Rs 50,000 a ni a, hei bakah hian constituency leh office allowance-ah Rs 45,000 an dawng bawk a ni. MP tam tak chuan Warrant of Precedence-ah MP-te chu senior bureaucrat-te aiin an status sang zawk mah se, hlawh an tlem zawk tia sawiin an hlawh tihsan a
ṭul thu an sawi.