Pawngsual tawkte zángnadawmna pek tipung turin hriattir
Supreme Court chuan state leh Union Territory zawng zawng hnenah pawngsual tawk leh mipat hmeichhiatna lam hawia khawihchhiat tawkte hnena zangnadawmna pek chu angkhat a kalpui turin a ti.
Goa sorkarin pawngsual tawkte hnena z·ngnadawmna, cheng nuai 10 pekna tur scheme a duan hnuah, supreme court chuan state dangte pawh programme hi duang turin a hriattir.
Justice MY Eqbal leh Arun Mishra awmna bench chuan thuchhuah siamin, "State leh Union Territory zawng zawng chuan pawngsual tawk, a bikin taksa lama rualbanlote hnena z·ngnadawmna pekna tur scheme angkhat an siam tur a ni" a ti. State hrang hrangte hian CrPC Section 357-A hnuaiah pawngsual tawkte z·ngnadawmna leh chhawmdawlna an pe ṭhin a, mahse an pek zat hi a in ang lo hle.
Bench chuan, "Eng sum mahin pawngsual tawkte zahawmna leh inrintawkna tihchhiat sak chu a pe kir thei tawh lo. Pawisa eng anga tam pawhin an tawrhna chu a tihbo sak thei dawn lo a ni. An thil tawn rapthlak tak ngaihtuahin chhawmdawlna erawh hi chu pek an ni ngei tur a ni" tiin a sawi.