Jats hoin nawrh ti tawp Sorkarin an duh tihsak a tiam

Haryana-a Jats hnamin Other Backward Classes (OBC) status pek phuta nawrh an huaihawt chu state sorkarin pek a tiam avangin nimin aṭang khan an ti tawp.

All India Jat Aarakshan Sangharsh Samiti president Hawa Singh Sangwan chuan, " Agriculture Minister OP Dhankar chuan state danga Jat hnam ten sorkar laipui aṭanga hamṭhatna an dawn angte Haryana-a Jats-ten an dawng ve vek dawn tih min tiam a ni" a ti.

Jats hnam hian OBC status pek phut hian February 12 aṭang khan nawrh an huaihawt tawh a ni.

Minister Dhankar chuan OBC category-a Jats hnam dah chu state sorkar pawhin a thlawp a, sorkar laipuiah pawh a thlen tawh tih a sawi. Haryana state chuan Jats hi Special Backward Class (SBC) ah a dah vangin sorkar laipui tan pawh OBC-ah dahluh theih a ni, a ti. Hetihlai hian state chhunga Backward Class chuan OBC category-ah Jats hi dah an nih chuan nawrh huaihawt a, rel kawng dan an tum thu an sawi.