Rajasthan-a rally-ah Congress President-in thu a sawi

Congress party president, Mallikarjun Kharge chuan nimin khan Baran, Rajasthan-a rally neihnaah thu sawiin, Congress-in caste census neih an tum chu mipuite ṭhen hran tumna ni loin, a phute leh a neitu tur ngeite'n an chan tur chanvo leh dikna an neih theihna atan a ni tih a sawi.

Kharge chuan,"Sakhua emaw hnam emaw nihna hmanga mipuite ṭhen ṭhin chu BJP hi an ni," tiin, Modi-a'n Congress-in caste census hmangin mipui ṭhen an tum a tih chu a chhang let. "Caste census hian khawtlang leh hnam hrang hranga intluktlan lohna awmte a rawn tarlang ang a, hei hian hnehchhiaha awmte kan ṭanpui theihna tur kawng a hawng dawn a ni" a ti.

Kharge hian November 25-a inthlang tur, Rajasthan-a hnehna an chan a pawimawh thu a sawi a, Rajasthan-a an hnehna chuan 2024 Lok Sabha-a reorelna an siam theihna tur rahbi a tuksak dawn niin a sawi bawk. Rajasthan chief minister Ashok Ghelot-a sorkarin health insurance scheme a buatsaih, "Chiranjeevi' chu chhuanawm a tih thu sawiin, an hmalakna ang zulzuia BJP-in ruahmanna an siam ve thu a sawi bawk a ni.