Siachen-a sipai thite ruang Delhi thlenpui

Jammu and Kashmir-a Siechen Glaciers-a vur tawlhin sipai a chhilh hlum pakua-te ruang chu nimin khan Delhi thlenpui an ni.

February 3-a vur tawlhin sipai 10 awmna camp a chhilh a, an zinga pakhua chu an thi a, Lance Naik Hanamanthappa Koppad chu ni ruk hnuah dama chhanchhuah a ni a, Delhi panpui nghalin ni thum hnuah a thi ve leh a ni.

Vurin a chhilh hlum sipai pakua-te hi Bangalore, Chennai, Trivandrum, Madurai, Pune leh Hyderabad lam mi a ni. Nimin khan Delhi-ah sipai chawimawina nen thlah an ni a, hemi hnu hian Army-in Pune-a National War Memorial-ah thlahna hun an hmang ve leh dawn a ni. Vawiin hian an khaw lamah phurh an ni ang.

Sipaite ruang Delhi-a thlenpui an nih hian airport-ah Prime Minister Narendra Modi, Defence Minister Manohar Parrikar, amy official leh mi pawimawh dangten an lo hmuak a ni.