Railway union-in nawrh huaihawt tum

7th Pay Commission rawtna siamte duh loin, Railway union chuan April 11 aṭang hian tiam chin awm loa nawrh huaihawt a tum.

February 11 leh 12 khan railway hnuaia thawktu hrang hrangte chuan nawrh huaihawt an duh leh duh loh chungchangah vote an thlak a, an zinga 95% chuan nawrh hi an duh niin Indian Railways hnuaia trade union lian ber, All India Railwaymen's Federation (IRF) chuan a tarlang.

Indian Railways hi Indian Amry dawta ramchhunga thawktu ngah ber a ni a, thawktu nuai 13.1 a nei a ni.

AIRF general secretary Shiva Gopal Mishra chuan 7th Pay Commission in hlawhbi thar rawtna a siamah chaun railway hnuaia thawkten hlawh an lak ṭhin chu a hniam phah zawk dawn tia sawiin, hei hi an duh loh thu an sawi. Hei bakah hian railways hnuaia hnaruak la awmte chu hnawhkhat vek turin an phut bawk.