President-in Visva-Bharati VC a ban

Human Resource Development (HRD) Ministry thurawn angin President Pranab Mukherjee chuan nimin khan Visva-Bharati Vice Chancellor Sushanta Dattagupta a ban a, ramchhunga central university hotu ber ban a nih ṭum khatna a ni. HRD Ministry hian President hnenah Dattagupta hi a thiltih dan dik lo leh a mawhphurhna ngai pawimawh loah puhin VC a nihna aṭangin ban turin nikum November thla khan a hrilh tawh a, President Mukherjee ngaihdan a nih loh avangin hun eng emaw chen an innawr a, nimin khan President hian miniser thu hi a zawm ta a ni. President chuan sorkarin Dattagupta banna tur file a siam chu hnukdawk a, nikum September 30-a Dattagupta-an banna lehkha a thehluh chu pawmsak zawk turin a ti. Mahse minister Irani hian a banna lehkha thehluh pawmsak a nih chuan thil tisual lo anga ngaih a ni dawn a ni tiin a pawmsak duh lo. Visva-Bharati Vice Chancellor Sushanta Dattagupta hi dan kalha hnathawktu 25 laah te, JNU aṭanga pension leh Visva Bharati aṭanga a hlawhte engmah paih loa laa puh a nih bakah, a zu leina mante bill ṭhinah puh a ni.