Odisha chhawm-dawlna tur Rs vbc 500 pe chhuak nghal
Cyclone Amphan-in an state-a chhiatna nasa tak a thlen hnuah, Odisha sorkar chuan sorkar laipui aṭangin chhawmdawlna cheng vaibelchhe 500 a dawng tawh.
Prime minister Narendra Modi chuan kar liam ta Zirtawpni khan thlipuiin a nuai,West Bengal leh Odisha hi tlawhin, thlipui tlehna hmunte chu helicopter-in a enkual a ni. PM chuan thlipui tuarte state pahnihte hi sorkar laipui aṭangin chhawmdawlna pek an nih tur thu a sawi a, West Bengal tan Rs vbc 1,000 leh Odisha tan Rs vbc 500 chu ṭanpuina hmahruai pek an ni phawt dawn tih a puang a ni.
PM-in chhawmdawlna pek zat tur a puan aṭanga darkar 24 a liam maiin, Odisha hian Rs vbc 500 hi a dawng nghal tih Special Relief Commissioner (SRC) P K Jena chuan a sawi.