ICMR-in Covid-19 vanga thite thih dan chhui chiang dawn

Indian Council of Medical Research (ICMR) chuan ram pum huapa Covid-19 vanga damdawi-in ni loa thite thih dan chhui chiang turin hma a la dawn a, hei hi hri hnathawh dan hriat chian a nih theih nana tih a ni. 

Health and Demographic Survei­llance System leh Registrar General of India-in kartina death statistics a tihchhuah aṭangin ICMR hian a zirchiang dawn a ni. 

Expert group, Covid-19 survei­llance and epidemiology-te chuan zir chiang turin an rawt a ni. Ram danga hri vanga thi te nen khaikhin a ni theih nana he hmalakna hi kalpui a ni. A tlangpuiin India-ah hian chhan hrang hrang avanga nitin thi hi mi 28,000 awm anga chhut a ni a,  Covid-19 vanga thi zat an pun belh dan hriatchian a nih theih nan zirchian mamawh a nih thu ICMR official-te chuan an tarlang.

AIIMS-a Dr Sanjay K Rai chuan India rama thi zawng zawng 20% chauh hi register a nih thu a sawi a, hei vang hian thi zat tak tak hi zirchian leh chhui a ngaih thu a sawi. Damdawi-in niloa  hi India-ah hian tam tak an awm a chung zawng zawngte hriatchhuah an nih theih nan hian ICMR hian hma a la dawn a ni.