SC-in vbc 500 chin ba firm hming hre duh

Supreme Court chuan nimin khan Reserve Bank of India hnenah hriattirna pein, public sector bank-a cheng vaibelchhe 500 chin ba firm hming list thehlut turin a hrilh.

SC chuan kum nga kalta chhunga bank hnena cheng vaibelchhe 500 chin firm hming hi kar ruk chhunga thehlut turin RBI hi a hriattir a ni.

RBI hnena hriattirna pek hi SC-a petition thehluh benchhana siam a ni. Petition thehluhah hian Housing and Urban Development Corporation (HUDCO) chu dan loa loan pechhuakah puh a ni a, a sum pek chhuah dan chu CBI chhuitir phut a ni bawk.

Reserve Bank chuan Indian banking system-a dan dik tawkloa loan pekchhuakte chinfelna atan kum 2017, March thla a bithliah a, sum pekchhuah hi dollar tluklehdingawn 100 vel nia chhut a ni.