Tangkhang mi nuai 36 hruai haw turin Shramik special train ṭum 2,600 tlantir dawn

Railways chuan Covid-19 lockdown avanga hmun danga inhlawhfa tangkhang, mi nuai 36 vel hruai haw turin ni 10 chhungin Shramik special train chu ṭum 2,600 tlantir a tum. 

Railway Board chairman VK Yadav chuan  ni 23 liam ta chhung khan special train hi ṭum 2,600 tlan tir a ni tawh tih sawiin, mi nuai 36 vel chu an state lamah hruai haw an ni tawh a ni, a ti. Yadav chuan, 'Ni li liam ta chhung khan ni khatah Sharmik special train hi 260 tlan tir zel an ni a, nitin mi nuai thum vel an phur haw ziah a ni," a ti. Sharmik special train hmanga hruai hawte rel chuanna man 85% hi sorkar laipuiin a tum a, a bak 15% chu state sorkarte tum tur a nih thu a sawi. 

West Bengal-a cylcone tlehin chhiatna nasa tak a thlen vangin, state sorkar ngenna angin hnathawkte phur hawtu rel tlantir chu an state bikah hian chawlh lailawk a nih  thu Yadav chuan a sawi bawk. Bengal sorkarin phalna a pek leh veleh rel hi tlantir chhunzawm a ni ang, a ti.