Diwali pualin sorkar hnathawkte tan bonus sem dawn

Sorkar laipui chuan Diwali puala a hnuaia hnathawkte tana bonus a pek ṭhin chu kuminah kalpui leh a tum thu puangin, group C, group D, leh group B ṭhenkhatte tan Diwali bonus hi pek a nih tur thu a sawi.

Finance Ministry hnuaia Department of Expenditure chuan thuchhuah hi siamin, central sorkar hnuaia group C leh group D bakah, contract-a chhawr, an thawh dan phung tura inremna neihte tihhlawhtlin dan a zira pek an ni dawn niin a tarlang a, Diwali bonus-ah hian a dawng tam berte'n Rs. 7,000 an dawng thei dawn a ni. Paramilitary leh armed force mi leh sate pawhin an dawn theih tur thu an tarlang bawk. An thuchhuah aṭanga a lan danin, March 31, 2021 hma lama thawk tawh, 2020-2021 fiscal year chhunga chawlh la loa thawkte tan Diwali bonus hi lak theih a ni dawn a ni.