Jats-ten nawrh chhunzawm

Haryana-a Jats hnam chuan reservation phutin an la nuar chhunzawm zel a, nimin khan Chief Minister Manohar Lal Khattar chuan an nawrh titawp a, inbiakna neihpui turin a sawm.

Jats hnam hian sorkar hna leh zir inah OBC caterogy hnuaiah an hnam tana chanpual siamsak phutin hun eng emaw chen nawrh an huaihawt tawh a ni.

Thawhlehni khan Rohtak-Jhajjar bialah kawngpui leh rel kawngte an dang a, Sonipat district-a hmun ṭhenkhatah nawrh an huaihawt bawk. Rohtak district-ah pawh an district paltlang National Highway-10 an dang bawk. Nawrh huaihawtna hmun hrang hrangah hian venhim hna thawk turin police ṭhahnem tham tak tirh belh an ni.

State sorkar chuan Jats hnamin nawrh an huaihawt vang hian buaina lian zawk a chhuah palh venthawn thilah sorkar laipui hnenah Rapid Action Force leh BSF tir turin a lo ngen tawh bawk.

Jats hnam nawrh huaihawtte hian Delhi pawhtu kawngpui eng emaw zat an dan tel avangin kawng lakah motor tam tak an tangkhang a ni.

Chief Minister Khattar chuan nimin khan Jats hnamte hi an nawrh titawp a, kawngpui te hawng tura ngenin, an thil phut chungchangah in≠biak≠na neihpuiah a sawm.

Mahse Jats hnamte hian state sorkar chu an thil phut tihhlawhtlinna tur ruahmanna felfai tak siam turin an phut a, "Tihpuitling loh tur thu≠tiam kan duh lo" an ti.