J&K-ah firfiak leh sipaite inkap chhunzawm

Jammu and Kashmir-a Pampore bialah nimin khan firfiakte leh sipaite chu a ni thumna atan an inkap leh.

Firfiakte hi Entrepreneurship Development Institute (EDI) building chhungah an tawm a, inchhung aṭangin sipaite hi an bei a ni. He building-a civil mi awmte chu sipaite hian a chhuahtir hnuah an hal a, nimin zinga pawh khan a la khu nasa hle.

Singapore-a Chinar Corps General Officer Commanding, Lt. Gen. Stish Dua chuan sorkar building chhunga firfiak tawmte dapchhuah hna chu hmanhmawh taka kalpui kan tum lo a, civil miten an tawrh lohna turin an bei dawn tih a sawi.

Army commander chuann EDI chu campus zau tak a nih avangin building chhunga firfiak awmte dapchhuak tur chuan special force an ngai dawn niin a sawi. "Building lian pahnih chu endik a ni tawh a, tunah hian a building pathumna-ah firfiaktehi an tawm leh tawh a ni. Campus hi acre 15 zeta zau a ni a, main building pathum a awm bakah building tenau eng emaw zat a awm bawk a ni" a ti.

EDI main building hi chhawng li-a sang niin, a chung berah canteen a awm a, building-ah room tenau leh toilet-te chhiar tello pawhin room 40-50 vel zet a awm. Building zauh zawnghi square feet 10,000 vel a ni a, chhawng tin chu uluk taka enfiah vek a ngai dawn a ni.

Pathianni khan firfiakte nen an inkahna-ah sipai pahnih an thi a, midang pakua-in hliam an tuar bawk.