Punjab-ah India flag sang ber pawt parh

Union Minister Nitin Gadkari chuan Amritsar district, Punjab-a Attari hmunah India flag sang ber pawt parhin, flag san zawng hi ft. 418 a tling a ni.

India flag tarna tur hi National Highway Authority of India siam a ni a, Asia rama flag sang ber ni bawkin, khawvel pum huapin flag sang ber 10-na a ni phak bawk.

Attari hi ramria awm a ni a, Union Minister hian flag chhipah hian surveillance system dah a nih thu sawiin, hei hian Border Security Force-te tana ramria thil thleng hriatna kawngah a pui thei dawn niin a sawi. Ramri lehlam chiahah hian Pakistan hian ft. 400-a sangin August thla khan flag an lo tar ve tawh bawk a, Parcham-e-Sitarah-o-Hilal tiin an sawi. Gadkari hi Punjab-ah hian Delhi-Amritsar-Katra Expressway hnathawh endik tur leh Amritsar bypass hnathawh tawh en tura kal a ni a, Golden temple a tlawh bakah ṭawngṭaina hunte a hmang bawk a ni.

India flag sang ber pawh parhnaah hian Gadkari bakah, Punjab chief minister Bhagwant Mann, Amritsar MP Gurjit Singh Aujla leh Border Security Force senior official-te an tel.