J&K-ah firfiak leh sipaite inkap

Jammu and Kashmir-a India Army Chinar Corps-te chuan Baramulla-a Pakistan leh India inrina, Line of Control (LoC)-a Uri sector-ah India rama firfiak luh ruk tumte nen innang chingin an inkap tih an puang.

Firfiakte hian khaw chhiat laiin, ruam khawkhrak tak hmang ṭangkaia LoC kaltlang hian Pakistan aṭanga India rama luh ruk hi an tum a ni. An luh ruk tum lai hian India Army-te chuan man tuma lo changin an inkap zui ta a ni. Firfiakte hnen aṭang hian pistol paruk leh hand grenade pali an man a, mahse, firfiakte hi man kim an la nih loh avangin zawn hna hi an thawk chhunzawm mek niin an sawi.