Parliament Budget session ṭan

Parliament budget session chu nimin khan ṭan a ni a, joint session hmaah President Pranab Mukherjee chuan Parliament chu inhnialbuaina hmun ni loin, thu sawihoa, relhona tur hmun a ni,a ti.

President Mukherjee chuan Prime Minister Narendra Modi-a kaihhruai NDA sorkarin a hnathawh leh a hlawhtlinna hmuh hrang hrangte a sawilang. Sorkar chuan mi rethei, loneitute leh ṭhalai hna neilote tan theihtawp a chhuah tih a sawi a, an himna leh dinhmun sawhnghehna tur a ngaihtuah sak a ni, a ti. Sorkar laipui chuan social security leh pension scheme thar 3 a siam thu te, mi tin tana chenna in siamsak tura a thawh thu a sawi lang bawk.

Kawng siamṭha tura sorkar hmalakna te, coal sector thuam ṭhat a nih dan te, power siamchhuah a pun chhoh dante President chuan a sawi a, mi rethei leh hnuaihnung zawkten ram hmasawnna chu an taka an chhawr ve zel theihna tura hmalak a pawimawh thute a sawi.