Haryana sorkarin Jats tan quota bill siam dawn

Haryana-a Jats hnam-ten sorkar hna leh zirna-in ah an hnam puala reservation siam phuta ni riat zet nawrh an huaihawt hnuah, state sorkar chuan an thilphutte tihhlawtlin a tiam avangin nimin khan nawrh an titawp.

Jats hnamten nawrh an huaihawt chhunga tharum thawhna thleng avangin mi 19 an thi a, mi dang 183 in hliam an tuar.

Haryana sorkar chuan Jats hnam quota siam-sakna tur bill chu as-sembly session neih hmasak bera pharhtu an nih thu a sawi a, mah-se session neih hun tur hi sawilan a la ni lo. Hei bakah hian nawrh huaihawtna tharum thawh-na thleng vanga thi chhungte hnenah cheng nuai 10 ṭheuh pek a, an chhungkaw mem-ber pakhat ṭheuh sorkar hna pek a tiam. Mimal in leh hmun tihchhiat hrang hrangte pawh zangnadawmna pek a tiam bawk.

Chief Ministr Manohar Lal Khattar chuan nimin khan Jats hnam tamna, Rohtak district a tlawh a, CM chuanna motor hi mipui pungkhawm thinrim chuan hualin an lo aukhum a ni. Mipuite hian nawrh huaihawt chhunga tharum thawhna thlengte chu police-ten an thunun thei lo nia sawiin, police lakah an lungawi loh thu an aupui a ni. CM hi mipuite hian flag dum an lo vaikhum bawk.

CM chuan vantlang leh mimal thil tichhe zawnga khawsate chu hremna na tak pek an nih tur thu a sawi. Rohtak-ah hian Jats-ten nawrh an huaihawt chhung hian Jats hnam ni lo in tam tak tihchhiatsak an ni a, dawr leh sumdawnna hmun dangte pawh an halsak a ni.