Delhi boruak a chhe zual zel

Delhi khawpui boruak chu May 17 hnua a chhiat ber ṭum thlengin monitoring agency-te chuan thlai ro halna khu leh thlasik dawn boruak inthlak avanga chhe zual a nih thu an sawi. Air Quality Index(AQI) chhinchhiah danin Delhi air quality chu 248 aṭangin 313-ah a tla thla a ni.

Pathianni khan Delhi pumpui boruak zawng zawng chu a chhe ber vek anga chhinchhiah niin, hei hi kumin May thlaa AQI-336 a nih hnua Delhi boruak chhiat ber ṭum a ni. Central Pollution Control Board (CPCB) chuan AQI a chhinchhiah danin Faridabad chu 322, Ghaziabad 246, Greater Noida 354,Gurugram 255 leh Noida 304 te an ni. Indian Meteorological Department (IMD) chuan Delhi-NCR huam chhung boruak chu khaw vawt nen a innan chhoh dawn avangin a la chhiat belh dawn niin an sawi.

Delhi boruak chhia hi thlai ro halna khuin a siam nasat ber niin, sorkar laipui hnuaia Decision Support System for Air Quality Management chuan thlai ro hal chu a la tam chho dawn niin a sawi. Decision Support System chuan Delhi boruak chhiaa 2.5PM-a 16% chu heng thlai halna vang hi a nih thu an sawi bawk.