Shashi Tharoor-a'n Mahua Moitra nena an thlalak crop sawisel

Congress Working Committee member Shashi Tharoor chuan Trinamool Congress MP Mahua Moitra nena an thlalak crop a, thehdarh a nih chu sawiselin, hei hi politics khelh dan hnuaihnung tak a ni, a ti.

Thiruvananthapuram MP hian an thlalak chu Moitra birthday an lawmnaa mi a nih thu leh, mi dang 15 pawh telin ama farnu ngei pawh a tel ve thu a sawi. Hetih lai hian an thlalak hona aṭangin amah leh Moitra lanna bik chu crop a ni a, social media lamah thehdarh a ni.

Tharoor chuan hetianga politics khelh dan ṭhing tak mai chu a ngai pawimawh lo tih sawiin, mipuite tana hna thawkin a buai hle zawk tih a sawi bawk.

Mahua Moitra pawh hian "BJP troll sena' hoin social media lama a thlalak an thehdarh duh tan chu thil nuihzatthlak tak a nih thu a sawi a ni.