SC-in lawyer-te chungchang ngaihtuah dawn

Supreme Court chuan vawiin hian Patiala House Court-ah Jawaharlal Nehru University (JNU) students union president Kanhaiya Kumar leh zirlai dang bakah journalist-te kutthlaktua puh, lawyer pathumte chungchang chu a ngaihtuah dawn.

Lawyer pathumte hian zirlai hruaitu leh amah thlawptute kut an thlak bakah, ṭawngkaa an invaupung laite chu camera-in an lo la hman a ni.

Advocate Kamini Jaiswal chuan lawyer pathumte laka hian petition a thehlut a, hei hi rang taka ngaihtuah turin lawyer Prashan Bhusan chuan a ngen. Vawiin hian Chief Justice TS Thakur leh justice UU Lalit awmna bench chuan a ngaihtuah dawn a ni.

Bhsuan chuan JNU buaina chungchang ngaihtuah hun atan March 10 chu justice Chelameswar kaihhruai bench chuan a ruat tih a sawi a, hei pawh hi rang taka ngaihtuah a ngai a ni, a ti.

Nilaini khan Supreme Court-ah February 15 leh 17-a Patiala House Court-a journalist, zirlai, zirtirtu, defence lawyer leh Kanhaiya te lawyer ṭhenkhatin kut an thlak chungchang chhuichiang tura Special Investigaton Team din turin ngen a ni bawk.