Union Minister hlui thiam loh chantir

Union Minister hlui, eiruk thubuai avanga jail-a tang mek, PK Thungon chu Delhi Court chuan kum 1993-94 a sorkar dawr luahtu tur thlan chungchangah dik lo taka a kalpui avangin thiam loh a chantir. Vawiin hian a hremna tur chu court-in a puang ang.

Special CBI Judge Sanjeev Aggarwal chuan he thubuaia inhnam-hnawiha puh midang pahnih, Lhakpa Tsering leh Krishna-te erawh chu thiam a chantir. Thil dik lo tihnaa inhnamhawiha puh dang, Urban Affairs and Employment Minister hlui Sheila Kaul leh Tulsi Balodi-te erawh chu an thubuai ngaihtuah chhung hian an thi a ni.

Arunachal Pradesh Chief Minister hlui ni bawk Thongon hi IPC seciton 120B (criminal conspriracy) leh 13d bakah, Prevention of Corrupation Act hnuaiah thubuai siamsak a ni.

Thungon hi kum 2015 July thla khan kum 1998-ah central fund tihchingpena puhin kum li le ha chanve jail tang tura hrem a ni. Kum 1996 khan Thongon bakah Kaul, Tsering, Krishna leh Balodi-te chu 1994-a sorkar dawr luah tur thlan chungchangah diklo taka thil tiah puhin CBI chuan an lakah thubuai a ziak lut a ni.

CBI chuan mi panga-te hi kum 1993 September leh June 1994 inkar khan sorkarin kaihhruaina dan a siamte palzutin, an mimal hlawkna turin dik lo takin sorkar dawr luah tur thi an thlang niin a sawi.

Vawiina Supreme Court-in an chungthu a ngaihtuah tur lawyer pathumte hi - Vikram Singh Chauhan, Yashpal Singh leh Om Sharma-te an ni. Patiala House Court-a Kanhaiya hruai a nih ṭumin zirlai hruaitu leh amah ṭawimawma kal zirlai leh zirtirtute bakah journalist-te chu court pawn lamah kut an lo thlak a ni. Kanhaiya chu a tanna cell-a an sawisak theih nan jail tan pawh an inhuam thute an sawi a ni.