PM thilpek dawnte lilam mek

Prime minister Narendra Modi-a thilpek dawn ṭhenkhat chu a ṭum ngana atan online-a lilam mek a ni. Lilam zingah hian lemziak thiam, Ramya V. Menon lemziah, Kathakali lam chi khat tarlanna te, Kalyan balaji lim a duma siam te, kum zabi 12-na laia social reformer, Basavanna lem, thira siam te a tel a ni. Heng memento-te hi India chhim lam state-te hnen aṭanga PM-in a dawn te zinga mi an ni.

Auction-ah hian thil chi hrang hrang 912 zawrh chhuah a ni a, lei tumtu hi mi 1,919 an tling tawh. Online auction hi October 2 khan hawn ṭan niin, October 31 thleng hawn a ni ang. Heta ṭanga sum hmuhte hi sorkar laipuiin Namami Ganga project a kalpui mek, Ganga lui siam ṭhatna tur atana pek a nih tur thu thuneitute chuan an sawi.

PM thilpek dawn zawrh chhuah zingah hian Kamadhenu; Karnataka-a Kinnal style-a siam te, Andhra Pradesh Chief Minister, YS Jaganmohan Reddy pek, Tirumala pathian biak, Balaji lim, thing bawm tea dah te, Karnataka-a Udupi leh Chikmagalur vela hnamte tihdana hmuh theih, lua khum chi, rangkachak rawng, a sen, serthlum rawng leh nainawk rawng tea chei pawh a tel a ni. January 2019 khan online auction hmasa ber hi neih niin, auction ṭum li neih tawh aṭang hian thil chi hrang hrang 7,000 chuang chhawp chhuah a lo ni tawh.