Kanhaiya Kumar bail dilna ngaihtuah dawn

Delhi High Court chuan vawiin hian Jawaharlal Nehru Univeristy (JNU) students' union president Kanhaiya Kumar-a bail dilna chu a ngaihtuah dawn.

Kumar-a bail dilna hi February 24-a ngaihtuah tura tih kha ni mah se, Delhi Police-te chuan thu zawhfiah belh an la duh tih an sawi vangin February 29 thleng judicial custody-a awm turin Justice Pratibha Rani chuan a relsak a ni.

JNU zirlai pawl hotu hi university campus-a India dodalna leh India laka helna thu sawia puh a nih avangin man a ni a, mahse a ukil senior advocate Kapil Sibal chuan Delhi Police-ten Kumar-a puhna chungchanga report an ziahluhah chuan an puhna finfiahna engmah a awm lo a ni, a ti.

Campus-a firfiak Afzal Guru-a hriatrengna hun buatsaiha India dodalna thu sawitu zinga puh, JNU zirlai Ashtosh Kumar chu nimin khan Delhi Police-ten thu an zawt leh. Inrinni khan Ashtosh Kumar hi darkar 10 chhung zet police-ten thu an zawt tawh bawk a ni.

Hetihlai hian Congress party chuan JNUSU president Kanhaiya Kumar-a thubuai chu dik taka ngaihtuah a nih theihna turin BJP sorkarna state ni lo, Uttar Pradesh emaw Bihar-ah emaw sawn turin a phut.