PM-in vawiina budget pharh tur chungchang a sawi

Prime Minister Narendra Modi chuan thlatin Radio-a huna a hman ṭhinna, 'Maan Ki Baat' programme-ah vawiina Parliament inkhawma union budget pharh tur chungchang a sawi-chhuak.

Vawiin hian Finance Minister Arun Jaitley chuan union budget 2016 a pharh dawn a ni.

Narendra Modi chuan budget pharh chu a tana exam pawimawh tak a nih tur thu leh, ram mipui vaichhelchhe 125 ten an endik dawn tih a sawi.

PM chuan vawiin-a exam a neih turah a inrintawk thu a sawi a, hei hi zirlai Class X leh XII exam hmachhawn turte fuihna atan a hmang nghal bawk. Modi chuan zirlaite chu chiaina leh phawklekna engmah nei loa ṭha taka exam bei turin a chah a, nu leh pate chu an fate nawr na lutuk lo turin a ti bawk.

Modi chuan zirlaite chu hlawhtling tur chuan inpekna, tumruhna leh tawrhchhelna an neih a ngai tih a sawi a, an theihna lanchhuah tir an tumna kawngah tumahin an dang thei dawn lo a ni, a ti. Zirlai exam hmachhawn turte mu ṭha turin a chah bawk a, hei hian a pui thei dawn a ni, a ti.